ROXAS CITY – Ginpatigayon ang Fourth Quarter Nationwide Simultaneous Earthquake Drill nga ginpakigbahinan sang Capiz State University Students kag mga faculty staff, subong man sang Capiz National High School.
Nagikan sa nasambit nga mga buluthuan padulong sa Villarreal Stadium kung sa diin amu ang ginhimo nga evacuation center, nag Duck, Cover and Hold ang mga estudyante.
Suno kay Mr. Raul Fernandez-Regional Director sang Office of the Civil Defense Region 6, ginpahayag nga ang nasambit nga aktibidad isa ka tikang agud mahanas kag mahatagan sang ihibalo ang mga estudyante subong man ang mga manunudlo agud makaprepar kag magapabilin nga alerto sa ano man ang kalamidad nga posible ma-eksperyensyahan sa palaabuton.
Dugang pa sini, nga pag-abot sa aktwal nga hitabo, malikawan nga mag-panic ukon mapabilin ang kaugalingon sa matawhay nga sitwasyon agud makapaminsar sang instakto bangud suno diri nga ang pagpanic ang isa sa distraction sa kasubong sini nga hitabo.
Nangin madinalag-on naman ang amu nga kahiwatan pinaagi sa kooperasyon kag presensya sang mga katapo sang Provincial Disaster Risk Reduction and Management Unit, mga katapo sang Capiz State University, kag iban pa nga mga mga ahensya.
