Liwat nga indi na magtambong si former President Rodrigo Duterte sa status conference sang iya kaso sa International Criminal Court nga natalana subong nga adlaw bilang preparasyon sa palaabuton nga trial may kaangtanan sa kaso nga crimes against humanity.
Gintugutan man sang ICC Trial Chamber III nga irepresentar si Duterte sang iya defense team sa pagpanguna ni ni Atty. Peter Haynes.
Suno sa depensa, indi kinahanglan nga magtambong sa personal ang anay presidente bangud administratibo lang ang hearing.
Pagatalakayon sa status conference ang mga isyu nga may kaangtanan sa mga report sang expert panel, pag-uyat sang confidential information, kag trial brief sang prosecution.
Paga-istoryahan man ang schedule sang masunod nga status conferences pagkatapos sang judicial recess.
Samtang, haiwaton naman ang hearing sa The Hague alas 10 sang aga tubtob alas 12 sang udto ukon alas 4 tubtob alas 6 sang hapon oras sa Pilipinas.
