Ginkumpirmar sang French military nga ginpalupok sini ang ginapahayag drone gikan sa Iran nga nagapuntirya sa pungsod sang Israel sa pihak sang nagaluntad nga ceasefire deal sa tunga sang duha ka pungsod.
Suno kay France defence minister Sebastien Lecornu, tubtob sa napulo ka drones ang ginpalupok kadungan sang military operation sang Islamic Republic of Iran batok sa Israel.
Ginhimo sang opisyal ang pahayag kadungan sang debate sa parliamento sa karon nga sitwasyon sa Middle East.
Si Lecornu nagsiling nga ang Iran nagpalupad sang mga 400 ka ballistic missiles kag 1,000 ka mga drone padulong sa Israel sa sulod sang 12 ka adlaw nga inaway.
Una nga gin-atake sang Israel ang Iran sa tuyo nga gub-on ang ila nukleyar nga ikasarang. Ang mataas nga eskalon sang militar sang Iran kag pila ka mga siyentipiko sa nukleyar napatay man.
Base sa datos sang mga otoridad sang Iran, 610 na ang napatay samtang halos 5000 ang narekord nga napilasan sa ila pungsod.
Bilang sabat, ang Tehran naglunsar sang isa ka retaliatory missile sa Israel nga nagpatay sang 28 ka tawo kag nagguba sang ginatos ka mga bilding sa Israel.
