Padayon ang pagbubo sang pagtamyaw kay anay Pinoy boxing champion Manny Pacquiao matapos mapilian bilang Hall of Famer class of 2025.
Nagpanguna sa naghatag sang pagtamyaw ang long-time trainer kag coach sini nga si Freddie Roach.
Suno diri, tuman ang iya kasadaya bangud sa pagkasulod sang pangalan ni Pacquiao sa International Boxing Hall of Fame.
Pahayag pa sang beterano nga boxing coach, nga sadtong 2001 sang ginbuksan sini ang iya Wild Card Boxing Club nagalaum ini nga may yara sang masunod kay Muhammad Ali kag wala ini napaslawan kag nagsulod sa iya training camp si Pacquiao.
Sa sulod sang 20 ka tuig nga hawid sini si Pacquiao, nakit-an sini ang madinalag-on nga boxing career sang atleta ilabi sa pagkolekta sang nagkalain-lain nga mga
boxing belt.
Magluwas kay Roach, may pila man ka mga kaangay Pinoy boxers kag mga atleta ang nagtamyaw sa anay senador.
Matandaan, ginpasalamatan man ni Pacman ang pagkapili sa iya bangud wala nalipatan ang iya mga pagtimakas agud mangin madinalag-on sa patag sang boxing.
