Patigayunon sa Roxas City ang Free Surgical Mission para sa mga kwalipikado nga mga pasyente.
Sa interview sang Bombo Radyo kay Dr. Lori Cahilog sang City Health Office, iya ginpahayag nga ang screening para sa eye cases kag iban pa nga surgical cases pagahiwaton sa Roxas Memorial Provincial Hospital (RMPH) sa Barangay Lanot, Roxas City sa Nobyembre 10, 2026.
Suno kay Cahilog, ang eye surgical admission kag operation pagahiwaton sa Marso 20, 2027.
Samtang, ang admission sang iban nga surgical patients pagahiwaton sa The Health Centrum (THC) kag Saint Anthony College Hospital (SACH) sa Marso 21 tubtob 24, 2027, nga amo na ang surgery proper.
Ginapangabay sang natungdan ang mga interesado nga pasyente nga magpa-screen agud mahibaluan kon kwalipikado sila para sa libre nga operasyon.
