Freelance Designer nagreklamo sa pulisya matapos ginpakamalaut sa social media

ROXAS CITY – Nagpa-blotter sa Roxas City Police Station ang isa ka 43-anyos nga freelance designer matapos nga ginaalegar ginpakamalaut sa social media.

Ginkilala ang tagreklamo nga si Charly Distor sang Barangay Cagay, Roxas City.

Sandig sa ginpabalhag sang tagreklmo nga ginaalegar ginhambalan ini sang malain nga mga tinaga ni Joseph Tingson kag residente man sang Barangay Cagay sining siyudad.

Bangud diri, ginpakamaayo na lamang ni Distor nga ipa-rekord sa pulisya ang insidente.

Samtang, gilayon naman nga gin-refer sang Roxas City PNP sa Barangay Justice ang nasambit nga problema.