Ginkumpirma ni Department of Justice Secretary Jesus Crispin Remulla nga nag-isyu nga sang ‘freeze order’ ang Anti-Money Laundering Council batuk sa mga naulamid sa maanomaliya nga flood control projects.
Suno kay Justice Secretary Remulla, ini ang kasunod sang pormal nga nagpasa sang ‘sworn affidavit’ si former DPWH Bulacan First District Engineer Henry Alcantara.
Kalakip sa mga ginbutang sa ‘freeze order’ sang ila nga assets amo sanday Sen. Joel Villanueva, Sen. Jinggoy Estrada, Ako Bicol Rep. Zaldy Co, anay DPWH USec. Roberto Bernardo, anay Cong. Mitch Cajayon, kag ex-DPWH Official Henry Alcantara.
Kaangut ini sa rekomendasyon man sang National Bureau of Investigation nga ma-file na ang mga kaso nga kriminal sa nasambit nga mga indibidwal.
Ginpakigbahin man ni Justice Secretary Remulla nga ‘indirect bribery, kag malversation of public funds’ ang ginrekomenda nga i-file sang NBI batuk sa mga ginpahayag involved sa kontrobersiya.
