Ginpalawig pa sang Court of Appeals ang gin-isyu nga freeze order sa bank accounts, propedad kag iban pa nga assets ni Kingdom of Jesus Christ leader Pastor Apollo Quiboloy.
Ini ang ginkumpirmar sang legal counsel sang KOJC nga si Atty. Dinah Tolentino-Fuentes sa ginpatigayon nga press conference sa Davao City.
Suno diri nga ginpalawig pa ang freeze order tubtob Pebrero sa masunod nga tuig kag sa karun wala pa nabaton sang ila kampo ang kopya sang extended freeze order.
Matandaan nga sadtong Agusto 5, una nga gin-isyuhan sang CA sang 20 diyas nga freeze order ang mga propedad ni Quiboloy kalakip na ang KOJC kag Swara Sug Media Corp., nga siya ang nag-operate sa Sonshine Media Network Internationalm (SMNI), ang media arm sang KOJC.
Sakop sang freeze order ang 10 ka bank accounts, pito nga real properties, lima nga motor vehicles kag isa ka aircraft nga ginapanag-iyahan sang KOJC, subong man ang 47kag iban pa nga bank accounts, 16 real properties kag 16 motor vehicles sang KOJC.
Sa nasambit nga freeze order, ginhinyo sang AMLC nga ginaprubahan naman sang CA matapos nga makakita sang reasonable nga basehan agud patihan nga may kaangtanan ang mga bank account ni Quiboloy sa mga ilegal nga aktibidad kag krimen kaangay sang human trafficking, sexual kag child abuse, kag iban pa.
