CATARMAN, NORTHERN SAMAR- Isa ka kalan-an ang ginpasarado matapos naglapta sa social media ang post sang isa ka customer natuhoy sa nabakal niya nga fried chicken nga may ulod sa Catarman, Northern Samar.
Malantaw sa pila ka mga video kun sa diin mahigko ang palibot, nagalapta ang mga basura, kag tam-an ka higko ang freezer sang kalan-an sang naabtan sang mga awtoridad.
Nag-inspeksiyon ang mga awtoridad bangud sa social media post sang isa ka customer.
Ginsiling sang meat control officer nga nakaangakon ang tindahan sang paglapas sa sanitary and meat handling guidelines rason nga gilayon ini nga ginpasarado.
Liwat nga magapatigayon sang inspeksyon ang mga awtoridad kun naaksyunan na ang mga paglapas, kag pagalantawon kun liwat sila nga pahanugutan nga mag-operate.
