ROXAS CITY – Indi pa sa karon mabatyagan sang mga vendors sang frozen meat products sa Teodoro Arcenas Trade Center (TATC) ang epekto sa pagpaguwa sang Executive Order No. 29 series of 2022 sang Provincial Government angut sa pagpatigayon sang hugot nga border checkpoints agud indi makalusot ang pork products sang probinsya sang Iloilo.
Sa interview sang Bombo Radyo kay ‘Roy’ ginpahayag sini nga halos tanan nga ila produkto ang nagikan sa Oton, Iloilo, apang indi paman sila sa karon apektado sang nagakahinabo angut sa African Swine Fever (ASF).
Sa pagkamatuod subong nga adlaw, may palaabuton ini nga delivery nagikan sa amu nga probinsya.
Ginpahayag man sini nga wala sang pagtaas sa presyo sang ila produkto kag indi paman apektado ang suplay sang ila baligya.
