Roxas City – Nasunog ang porsyon sang fruit stand nga ginapanag-iyahan sang isa ka barangay kagawad nga nahamtang malapit sa isa ka dako nga mall sa Barangay Tanque Roxas City.
Ginapanag-iyahan ni Kagawad Gina Roxas, 53-anyos sang Barangay 9, Roxas City ang nasambit nga fruitstand.
Base sa mga nagresponde nga katapo sang Bureau of Fire Protection-Roxas City Fire Station nga nasunog ang fruit display nga human sa light materials.
Gilayon nga nagrespondi ang mga personnel sang bombero rason nga madasig napalong kalayo.
Kalakip sa mga nasunog ang mga baligya sini nga prutas.
Ginabulubanta nga nagalab-ot sa 20 mil pesos ang natuga nga kahalitan sang nasambit nga sunog.
Padayon ang imbestigasyon sang Roxas City Fire Station kun aksidente ukon hungod nga ginsunog ang nasambit nga fruitstand.
Nahibaluan nga nagapanindugan ang tag-iya nga wala sang nabilin sa sulod sang baligyaan nga posible tunaan sang sunog.
