Nagpaguwa sang Executive Order No. 4, Series of 2026 ang Roxas City Government nga naga-unod sang mandatory fuel conservation measures bilang response sa global energy crisis.
Katuyoan sini nga mabuhinan ang konsumo sang gasolina kag siguruhon nga magamit lamang ang mga government vehicles para sa opisyal kag importante nga transaksyon sang gobyerno.
Ini kasunod man sa padayon ang tension sa Middle East.
Sa interview sang Bombo Radyo kay Roxas City Mayor Ronnie Dadivas, iya ginpahayag nga kinahanglan magtipid sang enerhiya kag paghagan-hagan ang paggamit sang fuel sa tanan nga opisina kag talatapan sang syudad.
Suno sa alkalde, kun may aktibidad pareho sang seminar nga pagadulungan sang isa ka opisina, mahimo nga isa lang ka salakyan ang gamiton agud makatipid sa gatong.
Ginpasigurado man sang natungdan nga indi ma-apektohan ang operasyon sang mga talatapan, bangud ang amo ang tikang ang kabahin sang mas daku nga programa sang syudad para sa sustainable energy use kag environmental responsibility.
