Magapabilin ang full alert status nga ginapatuman sang Philippine National Police tubtob karon sa tungang gab-i.
Suno kay PNP Spokesperson PCol Jean Fajardo, indi magpakampante ang PNP sa pagbantay sa bug-os nga seguridad sang Metro Manila, apisar pagkatapos sang SONA ni PBBM.
Magapabilin suno diri nga magabantay ang kapulisan sa mga kalye, samtang madamo man ang magapabilin nga magabantay sa palibot sang Batasang Pambansa pagkatapos sang SONA.
Sadtong Biyernes, Hulyo 19, una na nga nagpatigayon sang send-off ceremony para sa mga kapulisan.
Samtang alas 6:00 sang aga sang Sabado gilayon nga gintaas ang full alert status.
Gilayon man nga gin-activate ang Task Force Metro Manila Shield kag nagtukod sang border control.
Apisar may yara na sang mas ukon menos 23,000 nga security forces nga nakadeploy, ginsiguro naman ni Armed Forces of the Philippines spokesperson Col. Francel Margareth Padilla nga nakapreparar ang dugang nga mga tropa nga iga-deploy kun kinahanglanon.
