Ginkondena sang Makabayan Bloc lawmaker, ang indi otorisado nga pagsulo sa kadagatan sang Pilipinas ang US carrier strike group one sa pagpanguna sang USS Carl Vinzon sa tunga sang Leyte kag Mindanao sadtong Disyembre 26,2024.
Suno kay Assistant Minority Leader kag Gabriela Partylist Rep. Arlene Brosas, ang ginhimo sang US warship isa ka pagpangsilabot kag pagpakita nga wala sang pagpatumbaya ang pwersa sang military kag paglapas sa soberanya sang Pilipinas.
Pahayag sang Kongresista, ang pag-agi sang US carrier strike group sa kadagatan sang Pilipinas klaro nga kadulaan sang respeto.
Ginhatagan man sang pagtamud ni Brosas nga ang nuclera-capable warship nga giniskortan sang USS William Lawrence, USS Sterett kag USS Princeton nagaresulta sang seryoso nga hitabo sa Filipino communities.
Ginbatikos man sini ang gobyerno nga ginapabay-an himuon ang Pilipinas nga isa ka US military outpost imbes nga depensahan ang soberenya sang pungsod.
