Nagapati ang Gabriela Women’s Party nga dapat atubangon ni Col. Raymund Dante Lachica agud maklaro ang detalye sa paggamit sang confidential funds ni Vice President Sara Duterte.
Sa interview sang Bombo Radyo kay Liza Maza, former Gabriela Women’s Partylist Representative, iya ginpahayag nga dapat imbestigahan ang papel ni Lachica bangud ginpahayag nga sa iya gintugyan ang confidential funds nga gin-encash ni anay Office Vice Presidential Special Disbursing Officer Gina Acosta.
Suno kay Maza, madamo pa sang dapat ipaathag si Lachica, partikular kun paano kag sa diin gingamit ang pondo nga gintugyan sa iya.
Dugang pa sang natungdan, dapat nga ipa-subpoena sa impeachment trial si Lachica kag kabigon nga hostile witness agud mas madeterminar ang iya papel sa paggamit sang confidential funds.
