Naglab-ot lamang sa P88.13 billion ang gross gaming revenues (GGR) sang gaming industry sa Pilipinas sa ika-duha nga quarter sang 2026.
Ini ang may 20% nga pagnubo kun ipaanggid sa P110.63 billion nga gross gaming revenues nga narekord sa pareho nga period sang nagligad nga tuig.
Suno sa Philippine Amusement and Gaming Corporation (PAGCOR) Chairperson Chief Executive Officer Alejandro Tengco, ang pagnubo sang kita halin Abril tubtob Hunyo 2026 ang bangud sang mas maluya nga kita sa e-gaming sector, lakip na ang consumer spending kag inflation nga epekto sang tensyon kag geopolitical crisis sa Middle East, kag ang mga discretionary activities ukon ang mga paggasto nga indi kinahanglanon.
Sa data sang PAGCOR, licensed casinos gihapon ang may pinakadaku nga contributor sa gross gaming revenues sa ika-duha nga quarter sang tuig.
Nakarehistro ini sang P45.37 billion, ukon 51.49% sang kabug-usan nga gross gaming revenues.
Samtang ang e-gaming sector, nga nagalakip sa e-games, e-bingo, kag poker, may yara sang P39.86 billion, ukon 45.21% sang total gross gaming revenue.
Suno kay Tengco, magapadayon ang PAGCOR sa pagpakig-angot sa ila mga stakeholders agud masiguro nga ang gaming industry magapabilin nga may makahulugan nga kontribusyon sa nation-building.
