Gansa, nangin isa ka baganihan matapos ginbuligan sini ang iya mga amo nga makita ang sunog sa ila kamalig

Ginakabig nga baganihan ang isa ka Gansa sa Texas pagkatapos nga ginbuligan sini ang iya nga mga amo nga makita ang sunog sa ila kamalig.

Suno sa mag-asawa nga sanday Bert kag Chelsea Gerber, aga pa sila nagbugtaw bangud sa mabaskog nga pag-uwang sang ila gansa nga si Goosey.

Sang ila ginlantaw ang ginhalinan sang gahod, nakita nila nga may kalayo sa ila uma kag gilayon nila ini nga ginpalong.

Bangud sini, masobra 100 ka manok kag pabo ang nasalbar.

Tatlo ka bulan pa lang antes ang insidente sang gin-adopt sang pamilya si Goosey.

Bilang pagpasalamat, plano nila nga hatagan siya sang isa ka abyan nga gansa nga ila hingalanan nga Lucy.