Ginreport sang Qatari Defense Ministry nga nag-igo ang pila ka mga missile sang Iran sa nagapanguna nga gas facility sang pungsod sa Northern Coast.
Target sang pag-atake ang Ras Laffan Industrial City, isa ka importante nga liquefied natural gas (LNG) hub.
Sandig sa mga report, ginabulubanta lima ka mga missile ang nagtibusok sa lugar kun sa diin isa ang direkta nga nag-igo sa isa ka oil facility. Nagtuga ini sang malapad nga sunog kag dako nmga halit sa gas facilities, residente, kag mga industriya sa palibot.
Ginlaragway sang Qatari Defense Ministry ang insidente bilang direkta nga pamahog sa pungsodnon nga seguridad sang Qatar.
Sa subong, wala pa sang pahayag ang gobyerno kun paano ini aksyunan, kasunod sang una nga pamahog sang Iran nga targeton ang mga energy facility sa Middle East.
