Dismayado si Acting Senate President Pro Tempore Sen. Sherwin Gatchalian, matapos wala magtambong ang pila ka mga resource person, lakip na ang 18 ka mga anay bodyguards nga gin-imbitar sa hearing.
Suno kay Gatchalian, madamo pa siya kutani sang luyag niya nga ipamangkot may kaangtanan sa mga isyu nga nagadalahig sa mga personalidad nga ginatumod bilang “bagman” ni Ako-Bicol Partylist Rep. Zaldy Co.
Ginpanindugan sang senador, importante ang presensya sang mga resource person agud maathag kuntani ang mga alegasyon kag detalye sang kaso.
Bangud sa ila indi pagtambong, nagapabilin nga kulang ang mga impormasyon nga kinahanglanon para sa imbestigasyon.
Nagalaum sa gihapon si Gatchalian nga sa masunod nga mga hearing magatambong na ang mga resource perso agud nga mapadayon ang maid-id nga hearing sa senado.
