Ginganyat ni Win Gatchalian ang Department of Migrant Workers (DMW) nga gilayon magpreparar para sa possible nga repatriation sang mga overseas Filipino worker (OFW) sa Iran, Israel, kag iban pa nga pungsod sa Middle East bangud sa naga-init nga tensyon sa rehiyon.
Suno sa senador, mahimo nga gamiton ang AKSYON Fund sang DMW para sa pagpauli kag gilayon nga bulig sa mga OFW. Gindugangan sang Senate Committee on Finance ang pondo sini sang P800 million rason nga naglab-ot na sa P2 billion halin sa anay P1.2 billion.
Ginabulubanta yara sa 2.443 million ka mga Pilipino ang yara sa subong sa Middle East. Samtang, ginganyat man ni Gatchalian ang Land Transportation Regulatory and Franchising Board (LTFRB) na maghanda sa pagpatuman sang Pantawid-Pasada program nga may pondo nga P2.497 billion, kasunod sang ginalauman nga pagtaas sang presyo sang langis.
