Pagdumdumon sang mga mamumugon ang paalabuton nga Mayo 1 bilang Labor Day.
Sa interview sang Bombo Radyo kay Wennie Sancho, Secretary General sang General Alliance of Workers Association, iya ginpahayag nga ang nasambit nga okasyon ang nagapakita sang dako nga kontribusyon sang mga trabahador sang pagpasangkad sa ekonomiya sang pungsod.
Suno kay Sancho, kinahanglan padayon nga protektahan ang mga kinamatarung sang mga mamumugon, lakip na diri ang patas nga sweldo kag seguridad sa trabaho.
Ginpahayag man sini ang pagkadismaya sang kapaslawan sa Regional Wage Board.
Dugang pa niya, responsibilidad sang gobyerno nga protektahan ang purchasing power sang mga mamumugon, ilabi na sa panahon sang global crisis kag pagtaas sang presyo sang gatong kag iban pa nga balaklon.
