-- ADVERTISEMENT --
Naka-confine sa ospital ang founder sang Gawad Kalinga nga si Antonio ‘Tony’ Meloto matapos nakaeksperyensya sang kabudlayan sa pagginhawa samtang yara sa kustodiya sang kapulisan.
Gindala ini sa ospital ni Dr.Yanga sa diin ginrekomenda sang doktor nga magpabilin ini para sa obserbasyon.
May mga pulis man nga na-assign sa ospital agud magbantay kay Antonio samtang ginabulong.
Matandaan nga nadakpan si Meloto sang Mayo 29 sa Gawad Kalinga Enchanted Farm kag una nga gindala sa police station.
Nagapangatubang ini sang duha ka kaso nga qualified trafficking in persons may kaangtanan sa reklamo nga ginpasaka sa iya.
Samtang, plano sang iya kampo nga maghingyo sang hospital arrest arrangement bangud sa iya kondisyon sa ikaayong lawas.
