Nagtapos sa Top 5 ang Pambato sang Pilipinas nga si Gazini Ganados sa Miss Grand International (MGI) All Stars nga ginhiwat sa Bangkok, Thailand, matapos ang madinuagon kag intense coronation night.
Apisar nga wala ini nakasulod sa Top 3, ginpakita ni Gazini ang iya abilidad matapos makakuha sang mataas nga judges’ average score nga 8.90 rason nga nakuha ini sa ikatlo nga pwesto sa judges’ assessment.
Nagpanguna sanday Faith Maria Porter sang Ghana kag si Huong Giang Nguyen sang Vietnam,nga nakakuha sang mas mataas nga ranking gikan sa mga judges.
Apang indi bastante ang boto sang mga fans para makasulod sa Top 3 si Gazini, bangud dako man ang papel sang public voting sa final standings sang kompetisyon.
Sa Q&A portion, ginpakita man ni Gazini ang iya abilidad kag determinasyon sang iya ginsabat ang pamangkot ni judge Abena Appiah nahanungod sa epektibo nga pag-atubang sa cyberbullying, kon sa diin ginhatagan sini sang importansya ang responsable nga paggamit sang social media.
Samtang, si Vanessa Pulgarin sang Colombia ang ginkoronahan nga pinakauna nga nagdaug sa Miss Grand International All Stars pagkatapos sang glitzy coronation night nga gintambungan sang 55 ka mga kandidata gikan sa nagkalainlain nga mga pungsod.
