Pormal na nga nagsumpa si General Nicolas Torre bilang bag-o nga Metropolitan Manila Development Authority General Manager, nga nagbulos kay Procopio Lipana.
Ginhiwat ang swearing-in ceremony sa Malacañang nga ginpangunahan ni Executive Secretary Ralph Recto.
Una diri, ginpirmahan ni Presidente Ferdinand R. Marcos Jr ang appointment paper ni General Torre bilang General Manager sang Metropolitan Manila Development Authority sang nagligad nga Disyembre 19, 2025.
Ini man ang adlaw nga ginkumpirmar sang Malacañang ang iya appointment sa nasambit nga posisyon.
Bilang bag-o nga general manager sang Metropolitan Manila Development Authority, ginalauman nga atubangon sang General ang pagpanghangkat sang madamol nga trapiko sa Metro Manila.
Kalakip diri ang pagpatuman sang disiplina sa dalanon, problema sa baha, kag nagakaigo nga koordinasyon sa mga LGU.
