Nagalaum ang General Alliance of Workers Association nga pamatian ang ila panawagan sa pagtaas sa minimum wage sa igapatigayon nga public hearing sang Department of Labor and Employment (DOLE) Regional Tripartite Wages and Productivity Board VI.
Sa interview sang Bombo Radyo kay Mr.Wennie Sancho, Secretary General sang General Alliance of Workers Association, iya ginpahayag nga importante ang paghatag sang oportunidad sa mga mamumugon nga mapahayag ang ila kahimtangan kag suhestyon parte sa minimum wage.
Nahibaluan nga ang DOLE Regional Tripartite Wages and Productivity Board VI magapatigayon sang apat ka blended public hearings, face-to-face kag virtual, agud matipon ang panan-aw kag inputs sang mga stakeholder parte sa posible nga wage adjustment sa Western Visayas.
Magasugod ini Oktubre 6, 2026, nga maghatag sang kahigayunan sa mga representative sang mga mamumugon, employer kag iban pa nga stakeholder nga makapahayag sang ila posisyon.
Dugang pa sang natungdan nga sa sini nga proseso mahatagan sang konsiderasyon ang pagkinahanglan sang mga mamumugon kag mahatagan sang mas angay nga minimum wage sa rehiyon.
