Ang una nga General Congregation sang College of Cardinals nagbukas, kasunod sang pagtaliwan ni Pope Francis, nga gin-updan sang tinagipusuon nga pangamuyo.
Mga 60 ka mga kardinal ang nagtambong sa pagtililipon sa Synod Hall, sa diin sila nagpanumpa, suno sa Universi Dominici Gregis, ang dokumento nga nagabutang sang mga pagsulundan sa tion sang sede vacante kag sa pagpili sang bag-o nga Santo Papa.
Ginbasa ni Cardinal Kevin Farrell, Camerlengo sang Simbahan Katoliko ang katapusan nga kabubut-on ni Pope Francis. Nagdesisyon man ang mga kardinal nga i-atras ang natalana nga beatification rites tubtub nga makapungko ang bag-o nga Santo Papa.
Mahibaluan nga ang lubong ni Pope Francis ang natalana sa Sabado, Abril 26, las 10 sang aga. Antes sini, ang iya bangkay igasaylo sa St. Peter’s Basilica sa Miyerkules, Abril 23, sa diin ini igalubong para sa mga katoliko nga tumuluo nga maghatag sang ila pagpakig-unong.
