ROXAS CITY – Nagpaathag ang General Manager sang Capiz Electric Cooperative ukon CAPELCO sa tanan nga mga kunsomidor nga nagakonsumo sang 0-50 Kilowatt Hours (kHh) ang mahimo nga indi pag-utdan sang kuryente tubtob sa Disyembre 31, 2020.
Ini ang ginpahayag ni General Manager Engr. Edgar Diaz sang mainterview sang Bombo Radyo.
Apang, suno kay Diaz nga ang mga kunsomidor naman nga nagakonsumo sang 51 kHh pataas ang kinahanglan nga magbayad agud nga indi sila pag-utdan sang kuryente.
Ini sa idalom sang ARC advisory kag pagpapasar sa Bayanihan Act 2 sang bulan sang Setyembre.
Ginaengganyo naman ni Diaz nga magbayad na lamang ang mga kunsomidor agud malikawan nga mautdan sang kuryente kag penalty.
Samtang, nagpanugyan naman ini sa mga kunsomidor sang CAPELCO nga kun may yara sang problema kag reklamo mahimo nga magkadto na lamang sa ila talatapan ukon opisina agud ini maaksyunan.
Matandaan nga madamo sang mga kunsomidor ang nagreklamo matapos nga ginaalegar nga ginpang-utdan sila sang kuryente.
