Gerald Anderson, nagbulig sa mga nangin biktima sang bagyong carina

Nagbulig ang Kapamilya aktor nga si Gerald Anderson sa isa ka pamilya nga na-stranded sa tubig-baha sa Barangay Sto. Domingo sa Quezon City.

Nahibaluan, nga sa tunga sang mabunok nga pag-ulan epekto sang bagyong Carina, wala nagduha-duha si Gerald nga buligan ang na-stranded nga pamilya.

Sa video nga nagalapta sa social media sa karon, makita ang paglusong sang amo nga aktor sa tubig-baha nga nagalab-ot na sa dughan.

Samtang, gindayaw naman sang mga netizens ang pagkamabinuligan sang aktor sa tunga sang kalamidad, kun tani madamo pa sang mabuligan si Gerald sa mga nagakinahanglan pa sang bulig.