Magasambuwa sa do-or-die game ang Team Greece nga ginapangunahan ni NBA champion Giannis Antetokounmpo batuk sa Team Austalia.
Ang magadaug sa nasambit nga hampang ang paglaum sang Team Greece agud maga-abante pa sa ikaduha nga round sang Olympics 5X5 Men’s basketball.
Ang tyansa sang nasambit nga team magadepende man sa mangin daug.
Una, nga kinahanglan makuha ang kadalag-an sang Team Greece ang hampang kag magdaug sang bisan tatlo lang ka puntos. Ang nasambit nga puntos ang bastante na agud ma-ungusan sini ang point differential nila sang Australia nga nagdaug sang 12 ka puntos batuk sa Spain apang napiyerde sang 10 ka puntos batuk sa Canada.
Kinahanglan man nga tambakan sang Canada ang Spain sa mangin sambuwa nila.
Kun matabo ini, gilayon nga makasulod ang Team Greece sa 2nd spot kag maga-abante sa masunod nga elimination.
Kun mapiyerde naman ang Canada sa Spain kag magdaug ang Greece batuk sa Australia, makuha sang Greece ang 3rd spot sa Group A.
Sa idalum sang masunod nga regulasyon sang Paris Olympics, ang best 2 teams sa tagsa ka grupo ang mag-abante sa masunod nga elimination.
Apang maga-abante man ang duha ka best 3rd team.
Mahimo nga makuha ini sang Greece, kun makahimo sang manami nga performance batuk sa Boomers subong nga adlaw.
