Gigi Hadid kag Bradley Cooper, ginsapubliko na ang relasyon

Ginsapubliko na sang modelo nga si Gigi Hadid kag Hollywood actor Bradley Cooper ang ila nga relasyon.

Sa social media account sang modelo ginpakigbahin sini ang pila ka laragway halin sa pagselebrar sang iya ika-30 nga kaadlawan.

Gintambungan ini sang iya nga pamilya kag mga malapit nga abyan kag ang nobyo sini nga si Cooper.

Tuig 2023 sang nagguha ang huring-huring sang relasyon sang duha apang naghipos lamang ang mga ini kag ginpili nga mangin pribado.

Sining Marso lamang sang ginpakigbahin ni Hadid ang relasyon nila sang actor kag sila ang nagkilalahay sa isa ka pagtililipon.

Si Cooper ang may bata nga babaye halin sa anay nobya nga si Irina Shayk.