Gilas Pilipinas, ginlutos ang Franklin Bulls para sa ikaduha nga sunod-sunod nga tune-up win sa 2027 FIBA World Cup Asian Qualifiers

Nakuha sang Gilas Pilipinas ang kadalag-an sa duha ka tune-up games antes ang 3rd window sang 2027 FIBA ​world Cup Asian Qualifiers matapos ginlutos ang Franklin Bulls sa score nga 94-66, sa New Zealand.

Ginpangunahan ni Carl Tamayo ang kadalag-an nga may 22 points samtang si Dwight Ramos ang nagdugang sang 19 points, apisar nga wala sa lineup sanday Justin Brownlee kag Mike Phillips.

Ikaduha na ini nga sunod-sunod nga tune-up win sang Gilas matapos man nga ginlutos ang Manawatu Jets, 92-61, sang Domingo.

Masunod nga atubangon sang Pilipinas ang New Zealand sa Hulyo 3 antes atubangon ang Australia sa Hulyo 6 para sa ila katapusan nga duha ka hampang sa una nga hugnat sang World Cup Qualifiers.