Mabug-at nga kompetisyon ang atubangon sang Gilas Pilipinas sa final window sang FIBA world Cup 2027 Asian Qualifiers sa Hulyo sa Perth, Australia.
Ang Australian men’s national basketball team nagbaskog pa gid pagkatapos nga gindugang si Bryce Cotton sa ila lineup nga magahampang para sa Boomers sa una nga tion.
Maga-debut si Cotton sa Hulyo 3 batok sa Guam antes atubangon sang Australia ang Gilas Pilipinas sa Hulyo 6 sa RAC Arena.
Si Cotton kilala bilang isa sa pinakamaayo nga humalampang sa National Basketball League pagkatapos nga nagdaug sang tatlo ka kampeonato kag anum ka MVP awards.
Matandaan nga nagpangibabaw ang Australia batok sa Gilas Pilipinas sa ila una nga hampang matapos ang 93-66 nga kadalag-an sang nagligad nga Marso sa Mall of Asia Arena.
