Natalana nga magahampang sang duha ka tune-up games ang Gilas Pilipinas sa pag-abot sini sa Auckland, New Zealand bilang kabahin sang preparasyon para sa third window sang FIBA world Cup Asian Qualifiers.
Una nga atubangon sang Gilas ang Manawatu Jets sa Hunyo 28 sa Fly Palmy Arena sa Manawatu-Whanganui Region, kag pagasundan sang Franklin Bulls sa Hunyo 30 sa Franklin Pool and Leisure Centre.
Ginalauman sang Franklin Bulls nga mangin exciting ang ila hampang batok sa Gilas.
Suno kay Bulls Club Director Scott Kelso, talagsa lang nga kahigayunan nga maka-atubang sa team kaangay sang Pilipinas sa ila home court.
Kabahin sang preparasyon sang national team amo ang duha ka tune-up games antes ang ila opisyal nga hampang batuk sa New Zealand sa Hulyo 3 sa Auckland kag Australia sa Hulyo 8 sa Perth.
