Nagpalab-ot sang suporta ang Gilas Pilipinas para sa madasig nga pag-ayo sang ila nga miyembro nga si Kai Sotto.
Nagapaayo sa karon si Sotto matapos nga mag-angkon sang anterior cruciate ligament (ACL) injury samtang nagahampang sa Japan Basketball League.
Suno kay Justin Brownlee nga nahibaluan niya ang kabudlay nga na-eksperyensyahan ni Kai rason nga ginapangamuyo sini ang madasig nga pag-ayo sang kapareho nga player agud gilayon na ini nga makabalik sa paghampang.
Ginpahayag naman ni Japeth Aguilar nga bata pa si Sotto kag madamu pa ini sang paga-agayan kag sigurado nga sa pagbalik sang player sa paghampang mangin mas mabakod na ini.
Una na nga ginpahayag sang 22-anyos nga si Sotto nga ini na ang pinakamasubo nga panghitabo sa iya nga career.
Apang pagsiguro ni Sotto nga indi sagabal ang panghitabo agud matapos niya ang iya mga handum nga makahampang sa NBA.
