-- ADVERTISEMENT --
Napaslawan ang Gilas Pilipinas sa Asian Games nga makuha ang kadalag-an matapos ginlutos sila sang China sa iskor nga 105-61 sa ila group-stage match.
Kinahanglan kuntani nga magdaug ukon mapierde ang Pilipinas sang indi magsobra sa 37 points agud makasulod sa quarterfinals, apang napaslawan sila kasunod sang 44 points nga kapierdihan.
Si Calvin Oftana naman ang nagpanguna sa Gilas nga may 13 points, samtang si Justin Barefield ang nag-amot sang siyam ka puntos.
Nagtakop ang Gilas sa group stage nga may 1-2 nga rekord kag sa katapusan napaslawan sa pagdepensa sang ila titulo bilang Asian Games men’s basketball champions.
