Naglab-ot sa double overtime ang hampang sa tunga sang Gilas Pilipinas kag New Zealand sa nagapadayon nga 2027 FIBA Basketball World Cup Asian Qualifiers.
Ginlagas sang New Zealand ang 1-point lead sang Pilipinas sa 3rd quarter kag nagpatas ang score sa 83 sa katapusan sang 4th quarter.
Pagsulod sa overtime, hugot gihapon ang hampang sa tunga sang duha ka teams tubtob nga natapos ang una nga overtime sa all-93.
Nagsulod ang ikaduha nga overtime nga may bentaha ang New Zealand sa una nga 2 minutes apang madasig nga ginlagas ini sang Pilipinas kag naka-post sang 97-96 sa tunga-tunga sang ikaduha nga Overtime.
Duha ka minutos antes matapos ang hampang, gindugangan sang Pilipinas ang abanse sa apat ka puntos, sa score nga 100-96 sa bulig sang clutch shots ni Justine Brownlee, apang madasig nga naabtan sang New Zealand kag ginpatas ang score sa 100, isa ka minutos antes matapos ang hampang.
Apang sang ulihi nakuha sa gihapon sang New Zealand ang kadalg-an.
Sa subong, tinguhaan sang Gilas nga makabawi sa powerhouse team nga Australia Boomers sa Perth sa Lunes, Hulyo 6.
