-- ADVERTISEMENT --
Indi makahampang ang Gilas Pilipinas star player nga si Kai Sotto sa third window sang FIBA World Cup Asian Qualifiers nga pagahiwaton sa magkatuhay nga lugar sa New Zealand kag Australia sa masunod nga bulan.
Suno kay coach Tim Cone, nakatutok ang star player sa iya handom nga makasulod sa NBA.
Si Sotto ang magapasakop sa NBA Summer League nga magasugod sa Hulyo, kadungan sang schedule sang FIBA qualifiers.
Dugang pa ni Cone, indi sila magpasilabot sa desisyon sang player bangud ini ang direksyon nga iya ginapili para sa iya career.
Sa pihak sang iya indi pagpartisipar, ginkilala ni Cone ang dako nga kontribusyon ni Sotto sa kampanya sang Gilas, ilabi na sa mabudlay nila nga hampang batok sa New Zealand kag Australia.
-- ADVERTISEMENT --
