Gilas Pilipinas U-18 Women, ginlutos ang Team Vietnam sa FIBA ​​U18 Women’s Asia Cup Qualifiers

Ginlutos sang Gilas Pilipinas U-18 Women ang Team Vietnam sang 51 big points sa FIBA ​​U18 Women’s Asia Cup SEABA Qualifiers 2026.

Kontrolado sang PH team ang kabug-usan nga hampang kung sa diin naka-score sila sang 19-14 sa 1st quarter.

Sa pagsulod sang 2nd quarter, ang Gilas Women naka-iskor sang 26-7 nga dalagan agud dal-on ang score sa 45-21.

Wala gid nakabawi ang Vietnam tubtob nga gintapos sang Gilas ang hampang sa score nga 93-42.

Ini ang una nga hampang sang Pilipinas sa qualifier apang sa subong kwalipikado na ini sa Asia Cup proper.