-- ADVERTISEMENT --
Ginpakigbahin ni Gilas Pilipinas veteran June Mar Fajardo nga posible na niya tapuson ang iya 13 ka tuig nga karera bilang miyembro sang national men’s basketball team.
Suno kay Fajardo, posible nga ang ila home games batok Jordan kag Iran sa 2027 FIBA World Cup Asian Qualifiers amo na ang iya katapusan nga hampang para sa Gilas Pilipinas.
Gin-ako man niya nga nabatyagan na sini ang epekto sang iya edad kag mga injury, gani nagahunahuna na ini nga maghatag sang lugar sa mas lamharon nga mga manugpanghampang.
Sa iya 13 ka tuig sa national team, nakadaog si Fajardo sang gold medal sa Asian Games kag Southeast Asian Games, kag nakahampang sa tatlo ka FIBA World Cup editions sang tuig 2014, 2019 kag 2023.
