Nagpaindis-indis na ang Gilas Pilipinas Women’s Basketball Team sa 2025 FIBA Asia Cup nga ginhiwat humalin Hulyo 13 tubtub 20 sa Shenzhen, China.
Walo ka mga pungsod ang nagapakigbahin sa hinampang, sa diin ang kampeon ang automatic nga makakuha sang pwesto sa 2026 FIBA Women’s World Cup, samtang ang ikaduha tubtob ika-anum nga pwesto ang magasulod sa World Cup Qualifying Tournaments.
Ang Pilipinas ang yara sa Group B nga may mabaskog nga kontra amo ang Australia, Japan, kag Lebanon.
Samtang, yari naman ang opisyal nga Lineup sang Gilas Pilipinas Women (Final 12): Cielo Pagdulagan; Kacey Dela Rosa; Ella Fajardo; Jack Animam; Kent Jane Pastrana; Louna Ozar; Khate Castillo; Yvette Villanueva; Angel Surada; Sumayah Sugapong; Naomi Panganiban; kag Vanessa de Jesus
Target sang team nga makasulod sa top 6 agud mabuhi ang ila paglaum sa World Cup.
Padayon ang suporta sang pumuluyong Pilipino sa ila mga hampang batuk sa mga dalagku nga pungsod sa Asya.
