Sulod na sa quarterfinals sang 20th Asian Games ang Gilas Pilipinas Women matapos malutos ang Hong Kong, sa score nga 90-73, sa Aichi International Arena sa Japan.
Pagkatapos sang malapit nga hampang sa una nga tatlo ka quarters, nakabawi ang Pilipinas sa 4th quarter sa pagpanguna nanday Stefanie Barberabe, Afril Bernardino, Jhaz Joson.
Si Berberabe nakarekord sang 21 points, samtang si Bernardino nakadugang sang 17 points kag 11 ka rebounds. Nag-amot man si Joson sang 15 points.
Bangud sa kadalag-an, nagsaka ang Gilas Pilipinas Women sa rank 1 sang group B nga may record nga 2-0 kag automatic nga nakasulod sa top eight.
Masunod nga atubangon sang Gilas ang host country nga Japan buwas nga adlaw para sa ila katapusan nga hampang sa group stage.
