MANILA, Philippines – Gin-kwestiyon ni Senator Robinhood Padilla, ang kahulugan sang force majeure matapos ang ginpagwa nga pagsulundan sang Senado nga nagatugot sang online nga partisipasyon sa tion sang makatalagman nga hitabo ini magamit.
Ini kasunod sang pahayag ni Senator Erwin Tulfo, nga may yara sang probisyon sa Senate rules nga nagatugot sang online participation sa tion sang mga kalamidad ukon iban pa nga force majeure nga kahimtangan.
Suno kay Sen. Tulfo, mahimo lamang ini magamit kun may mga sitwasyon nga indi malikawan ukon indi makontrol pareho sang mga health emergency kag iban pa nga emerhensya.
Apang sa separado nga pahayag, ginpabutyag ni Sen. Padilla nga “Klaro” nga may yara sang force majeure nga sitwasyon sa sini nga tion.
Nagguwa ang isyu matapos nga ipanugyan ni Senator Rodante Marcoleta, ang pag-amendar sang Senate rules agud matugutan ang online voting sa mga sesyon sang Senado.
Nahibaluan ang panukala nag-abot sa tunga sang wala gihapon si Senado si Senator Ronald “Bato” dela Rosa, nga nagaatubang sang arrest warrant gikan sa International Criminal Court ukon “ICC”.
Sa tion nga dapat pagatalakayon ang panukalang pagbag-o sang rules sang nagligad nga Martes, nagpahayag sang pagtutol ang mga minority senator sa pagsiling nga daw ginadali sang mayorya ang pag-aprobar sini.
Nagresulta man ini sang mainit nga diskusyon, rason nga nag-walkout ang mga miyembro sang minority bloc nga nagresulta sa kakulangan sang quorum kag napunggan ang pagboto para sa nasambit nga panukala.
