Gina Acosta, nangin emosyonal sang ginpamangkot ni Imee Marcos kon kamusta ang kahimtangan sang iya nga bana

Ginpamangkot ni Senator-judge Imee Marcos si anay OVP special disbursing officer Gina Acosta kun nakita ukon gin-uyatan ni Vice President Sara Duterte ang kwarta nga iya gin-encash kag ginturn-over kay Col. Raymund Lachica.

Nagsabat si Acosta nga “Wala, Ma’am.” kag nag-insister nga ang mga dokumento lamang nga kwestyonable amo ang mga kulang sang mga ngalan kag mga pirma, nga iya i-verify kay Lachica.

Ginpahayag man ni Acosta nga nagsalig siya sa mga dokumento nga ginsumiter ni Lachica para sa pag-verify kag pag-liquidate sang confidential funds.

Nangin emosyonal man ini sang ginpamangkot ni Marcos ang kahimtangan sang iya bana nga nagapabulong sa Davao kag ginpahayag sini nga indi maayo ang kahimatangan sang iya bana.