Nag-atubang kahapon nga adlaw ang ginpahayag doppelganger ni dismissed Bamban, Tarlac Mayor Alice Guo sa talatapan sang National Bureau of Investigation sa Quezon city.
Nag-abot ini pasado alas-2 sang hapon sa NBI para atubangon ang mga ginabato nga alegasyon batuk sa iya para patalang sa mga awtoridad.
Sa pag-atubang ni Salazar sa NBI, nakasuksok ini sang light green shirt, jeans, nakasuksok sang face mask, nakasalamin kag nakawagwag ang malaba sini nga buhok nga kaangay sang kay Alice Guo bag-o ini magpanago sa mga awtoridad.
Matandaan nga una na nga naka-istorya ni NBI assistant director for investigation service Lito Magno si Alice Guo matapos maaresto ini sa Indonesia.
Diri kag ginpakita sang NBI official kay Guo ang isa ka laragway sa iya nga cellphone kag ginpamangkot kung siya ang babaye nga yara sa laragway, apang ginpanginwala ini sang ex-mayor kag ginhambal sini sang ila nga staff.
Nauna na man nga ginpahayag sang NBI nga posible gingamit ang nasambit nga aid ni Guo nga ginkilala nga si Catherine Salazar bilang decoy ukon Tan-awon siya nga si Alice Guo para patalangon ang mga awtoridad sa ila pagpangita sadtong nagapanago ang ex-mayor sadtong Hulyo.
