ROXAS CITY – Nagkalain-lain nga mga pagkabutang, ginbilin sang duha ka mga miyembro sang LGBTQ sa ginrentahan nga boarding house sa Barangay 9, Roxas City.
Ginkilala ang isa sa duha ka persona kay alyas “Tanya” samtang ang isa naman ang nagapabilin nga wala makilan-an.
Sa nakuha nga impormasyon sang Bombo Radyo kay alyas “Rayl”, gumangkon sang biktima nga tag-iya sang boarding house, ginapahayag nga ginbaton sini ang duha ka persona nga mag-renta sang kwarto apisar wala ini naghatag sang down payment bangud naghinyo ang mga ini nga maga-withdraw pa sang kwarta sa bangko.
Sang nakakuha na sang kwarto ang duha ka persona, indi nangin kumportable si Rayl sa presensya sang duha kag gina-usisa man sini ang hulag sang duha bangud nagatuga ini sang gahod sa amo nga boarding house.
Dugang pa sini, nabiktima man sang pagpangawat ang iya utod kag gumangkon sang mga persona bangud nakita nalang sini nga nagaukay ang mga pagkabutang sang mga ini kag wala na nakita ang wallet nga nagakaunod sang kapin P8,000 nga cash.
Matandaan, kahapon nga adlaw, Setyembre 19, nakabaton sang tawag ang mga otoridad natuhoy sa mga ginbilin nga mga pagkabutang sa isa ka boarding house sa nasambit nga lugar.
Sa karon, yara na sa paghinakop sang Roxas City Police Station ang nasambit nga mga pagkabutang para sa nagakaigo nga disposisyon.
