ROXAS CITY – Naguwa na ang resulta sang ginpatigayon nga imbestigasyon sang fact finding comittee sang DepEd Capiz Division nga ginpangunahan ni Dr. Marlon Destreza, Chief Education Supervisor kag head of the investigation conducted by Schools Governance and Operations Division natuhoy sa ginapahayag Mini-graduation sang Grade 6 pupil sa section Ruby nga advisory ni Ms. Mary Joy Fabillon sa Maayon Elementary School.
Ini sa idalom sang pagdumala ni Dr. Evangelyn Dorado, Principal sang amo nga eskwelahan.
Sandig sa ginhatag nga papel sang nasambitan nga talatapan nga wala sang kamatuoran ang mini graduation nga natabo sa nasambit nga buluthuan.
Matandaan nga ginpanginwala sang nasambit nga principal nga nagpatigayon sila sang mini-graduation kun sa diin ginaalegar nga wala na-obserbar ang health protocols kapareho sang physical distancing.
Suno kay Dorado nga wala sang kamatuoran ang nasambit nga mga alegasyon bangud suno sa iya wala gid sang may natabo nga mini-graduation sa baylo nag-release lamang sila sang card sadtong Hunyo 12.
Bangud diri, nagpatigayon sang imbestigasyon ang talatapan sang DepEd Capiz Division kag nagaguwa sa ila imbestigasyon nga wala sang may nagluntad nga mini-graduation sa amu nga buluthuan.
