Gin-anunsyo sang House prosecution panel nga ang paghinun-anon sa gina-alegar misuse of confidential funds ni Vice President Sara Duterte ang ginalauman nga mangin pinakamalawig nga bahin sang impeachment trial.
Suno sa prosekusyon, ginasakop sang Article I ang ₱612.5 million nga confidential funds sang Office of the Vice President kag Department of Education (DepEd), kabangdanan nga ang pagpresentar sang mga ebidensya kag mga testigo naglab-ot sa indi magnubo sa 31 ka adlaw.
Suno sa legal spokesperson sang House prosecution nga si Benjamin Tolosa Jr. may dugang pa nga mga dokumento kag mga testigo nga ipresentar, apang tinguhaan nila nga palip-uton ang presentasyon kon mapamatud-an ang importante nga mga punto.
Samtang, ginpahayag ni House prosecutor Rep. Terry Ridon nga ang pagpresentar sang mga ebidensya nahanungod sa confidential funds mahimo magsugod sa Miyerkules, kasunod sang hearing upod kay NBI Director Melvin Matibag.
