ROXAS CITY – Boluntaryo nga nagsungka ang isa ka miyembro sang rebelde nga grupo nga New People’s Army ukon NPA sa President Roxas Municipal Police Station.
Ginkilala ang anay rebelde nga si “Ka Allan” kag miyembro sang Eastern Front 15 Nonito Aguirre Command.
Kadungan sang pagsungka sini, boluntaryo man nga ginsungka ni “Ka Allan” ang isa ka Apple Type Hand Grenade.
Suno kay Police Captain Rachelle Garnica, hepe sang President Roxas Municipal Police Station, nga nakapoy na ini nga magpanago sa mga kabukiran rason nga nadesisyunan sini nga magsungka sa mga otoridad.
Dugang pa ni Garnica nga nabinagbinag man sang amo nga rebelde nga ginagamit gid lamang ini sa mga propaganda batuk sa gobyerno.
Sa karon yara na sa Regional Intelligence Unit Region 6 ang nagsungka nga rebelde.
