ROXAS CITY – Natalana nga igaturned-over sang mga kapulisan sa Bangko Sentral ng Pilipinas (BSP) ang ginaalegar peke nga P1,000 nga ginbayad sa isa ka relipan sa Teodoro Arcenas Trade Center, Barangay 8, Roxas City.
Suno kay Marieta Salipa, 45 anyos sang Barangay Tiza sining siyudad nga nagbakal ini sang bayo nga nagabalor sang P270.00 sa diin gingamit sini nga pagbayad ang P1,000.00 sa tagreklamo nga si Judy Bustillo, 58 anyos sang Barangay Gabu-an, sining siyudad.
Mahibaluan nga gindahu ni Bustillo kay Roland Dela Cruz, 58 anyos sang Barangay Mianay, Sigma, Capiz ang nasambit nga kwarta bangud nagaduda ini nga peke ang ginbayad sa iya.
Bangud diri, ginbalik ni Bustillo ang bayad ni Salipa sa baylo nga ibalik man ang bayo nga ginbakal sini.
Gilayon naman nga nagreport si Salipa sa mga naka-deployed nga pulis sa nasambit nga merkado kag gindala ang tatlo ka mga persona sa istasyon sa pulisya
