Ginkumpirma sang punong barangay sang Barangay Lanot, sining syudad ang pag-ab-ab sang duta sa isa ka area sa nasambit nga lugar.
Ginpahayag ni Kapitan Rolando ‘’Totong’’ Tuazon nga gilayon sini ginpadulungan ang lugar sa diin ginsiling may nagakahinabo nga quarry operation.
Apang wala ini sang may naabtan nga nagapatigayon sang quarry operation, sa baylo ang backhoe lamang ang iya nakita kag ang gin-ab ab na nga bukid.
Natalupangdan man sang punong barangay ang masako nga guha pasulod sang mga dumptruck nga may karga nga buga.
Wala lamang sang ideya si Tuazon kun diin ginadala ang nasambit nga mga lapok.
Ginpanindugan man sini nga wala sang koordinasyon sa iya ang quarry operation.
Samtang aminado ang opisyal nga may posibilidad nga magtiphag ang duta kun magbubo ang mamunog nga ulan kag may mga pumuluyo nga maapektuhan.
